माध्यम वर्गीय परिवार बर कोन सोचही-सियान!!

कुनाल सिंह ठाकुर-

रायपुर(चैनल इंडिया)22/04/2020- आज हमन अपन सियान से बात करेन, सियान हा माध्यम वर्ग के परिवार बर थोड़ा चिंतित रहीस| सियान बोलिस के गरीब परिवार ला तो सरकार हा राशन देवत हे, अमीर परिवार अपन जुगाड़ लिहि, लेकिन माध्यम वर्गीय परिवार का करही? कोन मेर जाही? काखर पास अपन समस्या के निवारण बर जाही?

        केंद्र आउ राज्य सरकार ला एखर बारे मे थोड़ा सोचना चाहिए, के जबतक पैसा-कौड़ी हवे तबतक माध्यम वर्गीय परिवार अपन काम चला लिहि, लेकिन पैसा-कौड़ी खतम होये के बाद का करही?

      देश के विकास मे, राज्य के विकास मे ये परिवार के बहुत अहम भूमिका हवे, लेकिन ये परिवार ला बचाए बर सरकार के का भूमिका हे? ये सरकार ला स्पष्ट करना चाहिए| अतका बोल के हमर सियान हा स्ब्बो झन्न ल “जय जोहार” कहीस हे|